معهد القوات المسلحة للغات بيقدم مجموعة كبيرة من الكورسات أهمها كورسات اللغات وبالتأكيد من أهم اللغة الإنجليزية وأهم لغات العالم الأخرى.
وفي المقالة دي هنعرف كل التفاصيل عن كورسات المعهد زي اسعار كورسات معهد القوات المسلحة للغات وازاي ممكن نحمل بعض الكورسات دي.

وكمان ايه هي اماكن معهد القوات المسلحة للغات وتفاصيل حجز الكورسات وأوقات بدايتها وكمان أوقات امتحان تحديد مستوى اللغة الانجليزية بمعهد القوات المسلحة.


معهد القوات المسلحة للغات
معهد القوات المسلحة للغات

معهد القوات المسلحة للغات, الشروط وبعض القوانين

معهد القوات المسلحة هو واحد من أشهر المؤسسات التي تقدم كورسات تعلم اللغة الإنجليزية في جمهورية مصر العربية, وبعض التفاصيل هنا :

  1. المعهد تابع للقوات المسلحه و شهاداته معتمده من وزاره الدفاع و الخارجيه 
  2. المعهد لدراسه كورسس لغات و ليس معهد جامعى .
  3. سن الالتحاق بدورات المعهد من 12 سنه .
  4.  يقبل المعهد المدنيين بالبطاقه الشخصيه فقط او بأصل شهاده الميلاد رقم قومى ، و لابناء الضباط لابد من احضار الكارنيه العسكرى او البطاقه العلاجيه مجددين عند التقديم .
  5. يقبل المعهد الاجانب المقيمين بشرط احضار موافقه امنيه للالتحاق بالمعهد من وزاره الدفاع .

اسعار معهد اللغات للقوات المسلحة 2020

اسعار كورسات معهد القوات المسلحة للغات


 
المعهد فيه كورسس عربى و انجليزى و فرنسى و المانى و ايطالى و اسبانى و روسى و يونانى و كورى و صينى و عبرى و اوردو و تركى وفارسي .

 نظام المعهد ان اى كورس متقسم لعده مستويات و انت بتحجز بالمستوى .. سعر المستوى الواحد420ج للمدنيين و 140ج لابناء الضباط .

اقصى مده انقطاع بين ليفيل و التانى شهرين و نص اكتر من كده تعمل تحديد مستوى الاول قبل ما تحجز.

المعهد فيه نظامين للكورس نظام عادى بيبقى الليفيل مدته 10 اسابيع حصه واحده فى الاسبوع يوم الجمعه ( النظام ده خاص باللغه الانجليزيه فقط و فى فرع القبه فقط ) .

 و نظام مكثف بيبقى الليفيل 5 اسابيع كل اسبوع حصتين سبت و تلات او حد و اربع او اتنين و خميس .. و اى نظام من الاتنين بيدرس نفس المنهج مفيش فرق و الاتنين نفس السعر .

نصحكم بقراءة : اختبار ايلتس تجريبي اون لاين مجاناً | أقوى اختبار على الإنترت

مواعيد الكورسات في معهد القوات المسلحة للغات


مواعيد الكورسس من 10-2 و من 3-7 و من 7- 11 .. بتختار ايام و مواعيد تحضر فيها مش بتتغير طول المستوى و تقدر تغيرها بين مستوى و التانى.

مواعيد الاداره فى المعهد من 9 الصبح ل 6 بالليل كل يوم عدا الجمعه .الكورس كله 14 مستوي

امتحان تحديد مستوى اللغة الانجليزية بمعهد القوات المسلحة


 المعهد بيعمل امتحان تحديد كل يوم عدا الجمعه الساعه 10 و 12 و 3 و 5 .. فى كل المواد .. و ده مش بيبقى ليه علاقه بحجز الكورس يعنى انت ممكن تدخل تمتحن و تمشى عادى يعنى .

ننصحك بقراءة : اختبار تحديد مستوى اللغة الانجليزية مع الاجابة | أفضل اختبار على الإنترنت

تحميل كورسات معهد القوات المسلحة للغات


هنا هنوفر ليكم روابط تحميل بعض كورسات معهد القوات المسلحة للغات مش كل الكورسات, والكورسات جاهزة للتحميل بروابط مباشرة.

  1. تحميل كورس اللغة الإنجليزية من معهد اللغات الخاص بالقوات المسلحة من هنا
  2. جزء من كورس اللغة الالمانية جاهز للتحميل من هنا.
  3. تحميل كورس اللغة الفرنسية من هنا + من هنا
  4. اللغة الأسبانية جاهزة للتحميل بجزئين من هنا + من هنا

وبكدا نكون وفرنا ليكم كل التفاصيل عن كورسات معهد القوات المسلحة للغات, ولو عندكم أي استفسارات تانية سيبوها لينا في كومنت.

ونتمنى منكم مشاركة الشرح ده على وسائب التواصل الإجتماعي من خلال ازرار المشاركة التالية.

اترك تعليقاً